تطلع في تكسي تلقاها برويطة واوساخ وكوكتال من الروائح الكريهة تتحمل وتصبر وتقول الله غالب هذا وضعنا تتلفت للشيفور تلقاه مشعل سيقارو ولابس شلاكة بصبع ولحيتو طويلة مانزيدش نكمللكم الخنار الاخر
وزيد يحطلك الكاسات على الاخر واغاني وموسيقي تجرح حتى ذوقك واحساسك هذا وزيد يسب وينعل في في الي قدامو وفي الي بجنبو كانه هو مولى الكياس تجي تهبط تمدلو عشرة الاف يشريلك عركة ويقلك مايهمنيش اعطيني الصرف وباعد يقرر ويمشي لحماص ويقولك هاو الحماص برا خوذ حاجة وصرف. بصراحة قمة البلطجة وقمة في قلة الحياه.
اما مع كل هذا فمة تاكسيات الله يرحم والديهم وربي يباركلهم ناس نظاف ومحترمين ولهم مني كل التقدير والاحترام…محمد