القمودی : 9000 ملیار فی کروش رجال الأعمال والحکومة تغمض عینیها

کتب الناٸٛب بدر الدین قمودی اليوم : وزير المالية قال انو في قانون المالية الجديد باش نحاولو نفرضوا الجباية حتى على بياعة الفريكاسي و الملاوي و غيروا..
المذيع سألوا افرض فمة مرا تبيع في الملاوي عالطريق كيفاش تحسبولها الجباية الوزير ماحشمش و قالوا نشوفوها قداش تشري سميد و فارينة و نحسبولها بقداش تبيع و تخلص؟؟؟؟؟؟
هذا هاو كفائة كبيرة في هالبلاد والله شي يدوخ منين يجيبوا فيهم ؟؟؟؟؟؟؟؟
قالوا يضرب في البهيم المربوط نسمعوا بيها لين ريناها
9000 مليار قروض من المالية العمومية في كروش رجال اعمال فاسدين مسيبينهم و شادين في مرا تبيع في الملاوي باش توكل صغارها
و من بعد يلوموا كيفاش مديرة فرع تضرب مليار و تفصع مازال العرض لقدام
حكومة الكفاءات تبطل مهمات رقابية وتعرقلها.
حكومة الكفاءات متعمدة ما تتبعش الاموال المنهوبة
حكومة الكفاءات تتعمد عدم استخلاص الديون العمومية من رجال الاعمال الفاسدين والمتهربين من الجباية
حكومة الكفاءات مسيبة الماء على البصل وتفطنت لصانعة الفريكاسي واكتشفت طريقة جهنمية لاستخلاص الجباية منها .
حكومة فاشلة وساقطة لا محالة