-الي حد اليوم الملغاشي احمد احمد ووراعه المغاربا هو المرشح الوحيد لرئاسة الكاف
وديع الجريء قال الي الملغاشي احمد احمد عندو 40 تزكية وهو شاهد البارح موقع Jeune Afrique يؤكد انو احمد احمد ما عندو كان 7 تزكيات وجدعم من تحت الطاولة من الجامعة التونسية معناها هاذي وحدة من كذبات وديع الجريء
-المرشح الوحيد الي كان ينجم ينافس احمد احمد طارق بوشماوي ما نجمش يترشح على خاطر وديع الجريء رشح روحو لطابروية مع احمد احمد في صفقة تحت الطاويلة على حساب مصلحة تونس
-التونسي طارق بوشماوي في 2015 ربح انتخابات الصعود للفيفا بعد ما صوتولو 54 بلاد افريقي على 54 في سابقة لاول مرة تصير معناها السيد عمل اكتساح وكان شخص طلع للفيفا معندوش حظوظ مالة شكون عندو حظوظ ..
_التونسي طارق بوشماوي كان مسنود من رئيس الفيفا ومصر وعندو علاقات كبيرة طلعاتو قبل للفيفا وكان وقفت معاه تونس حظوظو كبيرة برشة وتفوت احمد احمد المتهم بالفساد
-وديع الجريء وفي اطار التزفزيف متاعو قال انو بوشماوي يجيب 28 تزكية ننظروا في ترشحو .وكيفاش بلدان تزكي شخص بلادو مزكاتوش معناها مطلوب من بوشماوي يمشي مثلا للسينيغال يقلهم زكوني وقت الي جامعة بلادو مزكاتوش …ومع العلم انو وديع الجريء وباعتبارو مولا الباش والباتيندا وكرة القدم ملك السيد الوالد متاعو رشح روحو من غير ما دبر حتى تزكية وعندو الحق سي احمد احمد واعدوا ببليصة اذا طيح بوشماوي
هكا يا سادة يامادة تضيع فرصة تاريخية لتونس مقابل مصالح شخصصية لوديع الجريء والحاشية متاعو وهكا يا سادة يا مادة تدار الامور في بلادنا وبالتالي حد ما لازم يستغرب الانحدار الشامل في كل المجالات بما فيهم كرة القدم