المصحات وشنوة قاعدة تعمل في العباد

تعرفوا مليح إنو مريض الكورونا ممنوع من الزيارة وهذا المعطى خلاّ أصحاب المصحات يعملوا في الناس آش يحبوا ويفوتروا كيما يحبوا وباش نحكيلكم على زوز قصص مع زوز كلينكات صارو ها النهارين والزوز حكايات يهموا أفراد من عايلتي وموثق وبالفواتير
الحكاية الأولى أم زوجتي دخلوها لمصحة البحيرة للقلب والشرايين من أجل جرعات من الإكسجين فقط لا غير .
أربعة أيام كلفوهملها بعشرة ملاين معناها ال24 ساعة بزوز ملاين ونص علاش ؟ الله أعلم .
الحكاية الثانية زوج أخت زوجتي تعكرت حالته بسبب الكوفيد19 ( عندو أمراض مزمنة ) دخلوه لمصحة حنبعل بالبحيرة عندو توّ 26 يوم .
البارح المصحة كلمت زوجتو باش تجيء تخلص تعرفوا قداش !!!! مائة وواحد مليون إي نعم 101مليون معناها الليلة متكلفة بقريب 4 ملاين علاش ؟ الله أعلم
المصحات هاذم سراق ومصاصي دماء وأنا عن نفسي باش نشهر بيهم صباحا مساء وكان حبوا أصحاب الشأن باش نشكي بيهم
الأستاذ كمال بن خليل

Comments are closed.