شنية الحاجة اللي تعلمها العالم كله ملي صاير في انتخبات امريكا؟
اهم واعظم حاجة تعلمناها انو قوة امريكا موش في جيشها والا سلاحها والا اقتصادها…
قوة امريكا في نزاهة الغالبية العظمى من موظفيها.
كي تشوف كل الموظفين الساميين والمنتخبين والمسؤولين المحلين من الحزب الجمهوري المشرفين مباشرة على العملية الانتخابية يرفضو ادعاءات ترامب ويشهدو بسلامة الانتخبات (عكس السياسيين والنواب الجمهوريين) تفهم اللي النزاهة هي ميزة الموظفين في امريكا وانهم يقعدو خارج التجاذبات السياسية والمصالح الحزبية ولا ولاء لهم الا للوطن ولضماءرهم.
درس كبير للعالم أجمع بما فيهم لنواب الحزب الجمهوري بيدهم، وطبعا جماعتنا في تونس والعالم العربي ما همش معنيين بالدرس هذا.
احنا كلمة نزاهة ومصلحة الوطن وضمير تنحاو من قاموسنا كي برشة كلمات اخرين وربي يهدينا على بعضنا.
عدنان بوعصيدة رئيس الجامعة الوطنية للبلديات