سمسار في رتبة شبه وكيل … هذا هو حال كرتنا اليوم .. ولات الوكلاء تحكي باللغة هاذي …

” تركحلي أموري حتى في تفتوفة نركحلك أموروك .. مادام مازالوا فارغين ليتوال و صفاقس ”
زوز فرق معناه بعراقتهم هكا تحكي عليهم السمسارة !! هكا تستغل في ملاعبية وتلعب بمخاخهم بش تنحيلهم “تفتوفة” .. وبالطبيعة التفتوفة هي مصطلح معروف بش تقضي حاجة لشخص وتكون التفتوفة من 20 دينار توصل حتى 20 مليون .. أما مع ليتوال و صفاقس زوز جمعيات كبيرة ممكن توصل التفتوفة بين 4 و 8 ملايين ؟؟
هذا وين وصلنا في الرابطة الشبه محترفة .. ناس تاكل في كرتنا كأكل النار في الهشيم .. لا مستوى ثقافي لا مستوى رياضي ولا هم يحزنون .. كرتنا كالمريضة بالكنسار وتدهن بالفيكس .. تسمسير و تلحيس و كذب وكل حد يضرب على مصلحتوا إلا مارحم ربي وإلي هوما يتحسبوا بصوابع اليد …
وينهي الناس إلي لاهية بالانتدابات في الفرق ؟؟ وإلا قلي حتى برشا منهم بنفس رتبة السيد .. كلها تعكعك وتخرج إلي ما يدخلش في منظومتهم الفاسدة …
هذا مثال صغرون لشبه وكيل ونتحداه كان عندوا ربع شجاعة يتحداني و يكذب الكلام إلي قلتوا …
والمرة هاذي ما ذكرتش الإسم وبدلت الصوت .. أما الجاية كل شيء بالمكشوف …