اشقولكم ماذا لو أصبح التعليم بمقابل؟في كل عام المدرسة من حر مالها تجهز قسمين على الأقل

اشقولكم ماذا لو أصبح التعليم بمقابل؟ 10 د شهريا… اي ان كل ولي يدفع معلوم دراسة 90د سنويا… بإستثناء العائلات المعوزة ماذا سيحصل ؟؟ لنقم بحساب المبلغ (مثال مدرسة بها 1000 تلميذ) ، 90*1000= 90000 د سنويا مداخيل المدرسة… شنوة نلقاو … في كل عام المدرسة من حر مالها تجهز قسمين على الأقل من كل شيئ (حتى المكيف يركب و تخلص فاتورة الضوء من مالها الخاص) + بناء أقسام جديدة عند الحاجة… ملعب كرة قدم . مسرح ….. بعد 10 سنوات (مدة طولتها بالعاني) نفس المدرسة ستجد نفسها مجهزة بكل انواع الرفاهية للتلميذ ، الذي سيصبح آليا عاشقا لمدرسته + مداخيل لا تزال متوفرة مع نقص واضح في المصاريف ===> شنوة ينجم يصير ====> كل مدرسة ينجم يولي فيها مطعم مدرسي أين يجتمع التلاميذ لتناول لمجهم + إمكانية إقتناء حافلات و القيام برحلات كل ثلاثية للتلاميذ المتفوقين رحلات يمكن أن تكون للنزل + إمكانية إستقبال التلاميذ كل سنة ببعض الأدوات المدرسية كالكراسات و الأقلام + إمكانية التبرع للمدارس التي بها عدد قليل من التلاميذ نظرا لضعف مدخولها السنوي…. ملخر ينجم يجي وقت و المدرسة أو المعهد عندها فائض في المدخول…. تقلي هذا الكل شكون شيتكفل بالحسابات نقلك ساهل برشة، في كل دائرة تفقد الدولة تعين متصرف مالي ( الي ينجم يخلص من مداخيل الدائرة متاعو، معناها الدولة ما عندها ما تصرف عليه كشهرية)….. ما نتصورش حتى ولي يخمم في مستقبل صغارو باش تفقرو هال 90د سنويا بالعكس نتصور يدفعها و هو فرحان خاطر عارفها في مصلحة كبدتو…. اما وين ينجم يكون المشكل… المدرسة العمومية بعد بضع سنوات شتكون (هوت ستاندينغ) و شتولي خير ألف مرة مالمدارس الخاصة من ناحية البني و التجهيزات و الخدمات… و هذا ظاهرلي ما يساعدش لوبيات الفساد الي قاعدة تفقر و تهمش في المدرسة العمومية باش تعبي المدارس الخاصة و تربح الفلوس….